Zënter 2003 invitéiert d’Stad Lëtzebuerg déi jonk Awunner vun der Haaptstad sech aktiv un d’Biergerliewen ze bedeelegen duerch d’Foren « Lëtz’ Discuss – Deng Stëmm, deng Stad! ».
Ënner dem Encadrement vun engem Team vum Service Jeunesse ginn déi Jonk vu 12 bis 26 Joer invitéiert, hir Besoinen an Wënsch an de Prozeduren a Konzepter, déi si betreffen, auszedrécken. Beim Forum am Jugendhaus Bouneweg hunn 17 Jonker matgemaach an 3 dovunner hunn sech soguer gemellt, fir d’Resultater vun dësem Forum am Fréijoer am Gemengenrot virzestellen.
