D’Jugendhaus In Move vu Neiduerf huet am Abrëll 3 super flott Sportsdeeg mat 2 Iwwernuechtungen am Centre SNJ Märjendall organiséiert. Duerch Aktivitéite wéi Teambuilding, Bouschéissen op Zilscheiwen souwéi och am Bësch, Wild Cooking, Tandem Tout-Terrain, Héichseelgaart a Parcours, haten déi Jugendlech d’Méiglechkeet sech an engem ganz anere Kontext wéi d’Jugendhaus kennenzeléiren, zesummen ze schaffe fir gemeinsam en Ziel ze erreechen an dobäi Spaass ze hunn.
